यो संसद अधिवेशन २०२२ को चौथो साता अर्थात् जनवरी ३१ देखि फेब्रुअरी ५सम्मको नेपाली संस्करणको न्युजलेटर हो ।
यो साता झरीमय रह्यो । झरीले अप्रिल सावर अलि छिट्टै आएजस्तो आभास दियो । तर, सप्ताहान्तमा झरी रोकिएर मौसम सफा हुनेछ भन्ने मलाई लागेको छ ।
झरीका बाबजुद पनि संसद अधिवेशन जारी रह्यो । साताभरि नै विधायिकी काममै व्यस्त रहियो । अर्को शुक्रबार यो अधिवेशनका लागि विधेयक दर्ता गर्ने अन्तिम दिन हो । म मेरा विधेयकहरूलाई अन्तिम रूप दिन लागिपरिरहेको छु ।
समिति हाइलाइटहरू
स्वास्थ्य र सरकारी सञ्चालन समितिमा यो साता २०वटा विधेयकमाथि सुनुवाइ भयो। विधायक एरियाना केलीले अध्यक्षता गरेको स्वास्थ्य व्यवसाय र दीर्घकालीन हेरचाह उपसमितिमा रहेर सहकर्मीहरूसँग काम गर्न पाउँदा म ज्यादै खुशी छु। यद्यपि, यो साताको सबैभन्दा उल्लेखनीय काम चाँहि राज्यको बजेटका बारेमा विधायिकी सेवा विभागबाट दिइएको जानकारी नै थियो।

म आगामी १० वर्षमा हाम्रा विद्यालयहरूमा ३२ बिलियन डलर लगानी गरिने परियोजनाका लागि लागिपरिरहेको छु। मेरिल्याण्डको भविष्यमै प्रभाव पार्ने यो योजनाको पक्षमा पैरवी गर्न पाउँदा म खुशी छु । तर, गभर्नरले प्रस्तुत गरेको आर्थिक वर्ष २०२३ को बजेटमा यो योजनाको महत्वपूर्ण हिस्साका लागि विनियोजित १४० मिलियन डलर समावेश नगरेको देख्दा म आश्चर्यमा परेको छु ।
मैले सोधेँ, ‘किन हामी हाम्रा विद्यार्थीहरूलाई भविष्यको सफलताको लागि बलियो जग दिने मौका गुमाउदैछौं?‘ मलाई जवाफ दिइयो: प्रशासनले त्यो १४० मिलियन डलरको बजेटलाई जनादेश हो भनेर विश्वास गरेन, आफूले दिनुपर्ने रकम मात्रै बजेटमा समावेश गर्यो । ४ बिलियन डलर उब्रिदा पनि त्यो रकम बजेटमा समावेश नगरेबाट गभर्नर होगनको प्राथमिकता विद्यार्थीको सफलता हो भन्ने मलाई लागेन। तैपनि त्यो छुटेको रकम समावेश गरेर पूर्ण बजेट ल्याउन म प्रतिवद्ध रहनेछु ।
<A Href="Http://बजेट जानकारीसम्बन्धी भिडियो हेर्न यहाँ क्लिक गर्नुहोला">बजेट जानकारीसम्बन्धी भिडियो हेर्न यहाँ क्लिक गर्नुहोला </A> । मेरो प्रश्न २५:१८ मा सुरू हुन्छ।
स्वास्थ्य र सरकारी सञ्चालन समितिको मतदान सत्रबाट पारित विधेयकहरू :
एचबी २१ – आवासीय बाल हेरचाह कार्यक्रम पेशेवरहरूको प्रमाणीकरणको लागि राज्य बोर्ड – सदस्यता र आधिकारिक छाप
(विधायक: कलिसन)
एचबी ३२ – मानसिक स्वास्थ्य कानून – आपतकालीन मूल्याङ्कनका लागि याचिकाहरू – इलेक्ट्रोनिक अभिलेख
(विधायक- बाग्नल)
एचबी १०६ – स्वास्थ्य बीमा – गैर नाफामुखी स्वास्थ्य सेवा योजना – निर्देशक बोर्ड
(विधायक- कलिसन)
एचबी ११९ – बीमा – वार्षिकी – गैरजरिवाना – ब्याज दर
(विधायक- छी)
एचबी १५५ – अडियोलोजिस्ट, हियरिङ एड डिस्पेन्सर, स्पीच-लैंग्वेज प्याथोलोजिस्ट, र संगीत चिकित्सकहरूका लागि परीक्षकहरूको राज्य बोर्ड – संशोधनहरू
(विधायक- नमूना-ह्युजेस)
एचबी १६३– सार्वजनिक सूचना ऐन – आवश्यक अस्वीकार – सामाजिक सूचना र वितरण सूची
(विधायक- कार)
एचबी १६७ – मेरिल्याण्ड महिला वेटरन्स मेमोरियल स्थापना गर्न आयोग
(विधायक- बाग्नल)
एचबी १८० – अन्तरराज्यीय चिकित्सा अनुमतिपत्र कम्प्याक्ट – सूर्यास्त विस्तार र रिपोर्टिङ
(विधायक- बाग्नल)
एचबी २२७ – राज्य सरकार – अदालत तथा कर्मचारी विदा – जुनेटिन्थ राष्ट्रिय स्वतन्त्रता दिवस
(विधायक- ह्यारिसन)
एचबी २४६ – खुला बैठक ऐन – सूचना, बन्द सत्र र बैठक पुस्तिका – अवधारण अवधि, अनलाइन पोस्टिङ र सार्वजनिक निरीक्षण
(विधायक- कार-लेहम्यान)
काउन्टी प्रतिनिधिमण्डल अपडेट्स

सिनेटर बेन कार्डिनले बाल्टिमोर काउन्टी प्रतिनिधिमण्डलसमक्ष समसामियक विषयमा अमेरिकी संघीय संसदको धारणा राख्नुभयो। त्यसका लागि म सिनेटर कार्डिनलाई धन्यवाद दिन चाहन्छु ।
सिनेटको विदेश सम्बन्ध समितिमा र्याङ्किङ सदस्य सिनेटर कार्डिनले युक्रेन र रूसबीचको द्वन्द्वको लागि एकीकृत राष्ट्रिय प्रतिक्रिया निर्माण गर्न गरिएका प्रयासहरूका बारेमा हामीलाई जानकारी गराउनुभयो। उहाँले हाम्रो राज्यमा अरबौंको विकास कोष ल्याउने राष्ट्रपति बाइडेनको पूर्वाधार लगानी र रोजगार ऐनको बारेमा पनि प्रकाश पार्नुभयो ।
हामीले बाल्टिमोर क्षेत्रलगायत देशभरि नै देखापरेका हुलाक सेवाका केही सुधार भएका तर समाधान हुनबाट टाढा रहेका समस्याहरूका बारेमा पनि छलफल गर्यौं । मैले अमेरिकी हुलाक सेवाका पार्कभिल शाखाका प्रबन्धकका साथै सम्पूर्ण बाल्टिमोर जिल्लाको प्रतिनिधिसँग कुरा गरें। मेरा सहकर्मीहरू र डिस्ट्रिक्ट ८ का तर्फबाट मैले सिनेटरहरू बेन कार्डिन र क्रिस भान होलेन, साथै सांसद डच रुपर्सबर्गरलाई यी समस्याहरू सुधार गर्न मद्दतका लागि अनुरोध गर्दै औपचारिकपत्र पठाएँ।
हामी दैनिक जीवनका धेरैजसो कार्यहरूको पत्राचारका लागि अमेरिकी हुलाक सेवामा निर्भर छौं । तर, यसको सेवामा समस्याहरू देखिएका छन् । हामीले यी समस्याका लागि एकले अर्कालाई दोष दिएर पन्छने भन्दा पनि प्रभावकारी र स्थायी समाधान खोज्नुपर्छ । हाम्रा सिनेटर कार्डिन यी समस्याहरूलाई सम्बोधन गर्न र बाल्टिमोर काउन्टीका प्राथमिकताहरूलाई अगाडि बढाउन प्रतिबद्ध हुनुहुन्छ, त्यसका लागि म उहाँको उच्च प्रशंसा गर्न चाहन्छु ।
बाल्टिमोर काउन्टीका स्वास्थ्य आयुक्त डा. ग्रेगरी ब्रान्च कोभिड- १९ को पछिल्लो अवस्थाका बारेमा जानकारी दिन सहभागी हुनु भयो । त्यसका लागि म डा. ब्रान्चलाई धन्यवाद दिन चाहन्छु । डा. ब्रान्चले यो महामारीविरूद्ध लड्न हाम्रो काउन्टीको सफल नेतृत्व गर्नुभएकोमा म कृतज्ञ छु । यही क्रममा सबैलाई स्वास्थ्य निर्देशनहरू पालना गरिरहन पनि हार्दिक अनुरोध गर्दछु। म स्वास्थ्यकर्मीहरूलाई सम्मान गर्न र उनीहरूले गरेको उदाहरणीय कामका लागि कृतज्ञ रहन पनि सबैमा आग्रह गर्दछु । स्वास्थ्यकर्मीहरूले पछिल्ला दुई वर्षमा कडा परिश्रमका साथ धेरै कठिनाइहरूको सामना गरेका छन् । यसका लागि उनीहरू सम्मान र कृतज्ञताका हकदार छन् ।
… र, यो पनि
जोनी ओसँग ब्रेकफास्ट मिटिङ

बाल्टिमोर काउन्टीका कार्यकारी जोनी ओ.सँग ब्रेकफास्ट मिटिङ आयोजना गरियो। मेरो डिस्ट्रिक्ट ८ का सहकर्मी सिनेटर क्लाउसमेयर र विधायक ज्याक्सनसँगै गरिएको बैठकमा सहभागी हुन पाउँदा म धेरै खुशी छु ।
बैठकमा हामीले हाम्रा समुदायका प्राथमिकताहरूका बारेमा राम्ररी छलफल गर्यौ। राज्यबाट बजेट प्राप्त गरिसकेका डबल रक पार्क र लिनोभर पार्क वा पार्कभिल हाइस्कूलको नयाँ टर्फफिल्ड सुधार परियोजनालाई छिटो अगाडि बढाउन काउन्टी कार्यकारीको महत्वपूर्ण सहयोगको बारेमा चर्चा गर्दै त्यसका लागि उहाँलाई धन्यवाद पनि दियौं ।
हामीले यस वर्ष पेरी हल हाइस्कूलमा नयाँ ट्र्याक, हार्फोड पार्क र अन्य छिमेकका सामुदायिक केन्द्रहरूमा बजेट व्यवस्थाका लागि लागिपरिरहेको बतायौ । त्यसका लागि उहाँले आफ्नो समर्थन जनाउनुभयो ।
यी सबै परियोजनाको नेतृत्वदायी भूमिकाका लागि र आफ्नो व्यस्त र महत्वपूर्ण समय निकालेर हामीलाई भेट्न अन्नापोलिस आउनु भएकोमा म काउन्टी कार्यकारीलाई धन्यवाद दिन चाहन्छु।
छात्रवृत्तिका लागि आवेदन
मेरो कार्यालयले २०२२-२०२३ को छात्रवृत्तिका लागि आवेदन लिइरहेको छ :
आवेदन डिस्ट्रिक्ट ८ का मेरा सहकर्मीहरू विधायक जोसेफ बोटेलर- II र कार्ल ज्याक्सनका लागिसमेत लिइने छ। आवेदन दिने अन्तिम मिति मार्च ३१, २०२२ हो।
आवेदन फारामका लागि तपाईं यहाँ क्लिक गर्न सक्नुहुन्छ ।
वा
यो QR कोड स्क्यान गर्न सक्नुहुन्छ।

आवेदन गर्नुअघि ध्यान दिनुपर्ने केही कुराहरू:
आवेदक मेरिल्याण्डको डिस्ट्रिक्ट ८ को बासिन्दा हुनुपर्छ :
त्यसका लागि तपाईं mdelect.net मा आफ्नो ठेगाना रूजु गर्न सक्नुहुन्छ । यदि तपाईं अन्य डिस्ट्रिक्टमा बस्नुहुन्छ भने, हामी तपाईंलाई त्यही डिस्ट्रिक्टका विधायकहरूमार्फत् छात्रवृत्तिको लागि आवेदन दिन सुझाव दिन्छौं ।
आवेदक मेरिल्याण्डका कलेज वा विश्वविद्यालयमा पूर्ण वा आंशिक समयको विद्यार्थी हुनुपर्छ:
हामी मेरिल्याण्ड बाहिर अध्ययन गर्न जाने विद्यार्थीलाई (कुनै विशिष्ट परिस्थिति बाहेक) छात्रवृत्ति प्रदान गर्न असमर्थ छौं।
आवेदकहरूले एकपटक मात्र आवेदन गर्नुपर्छ:
डिस्ट्रिक्ट ८ का तीन विधायकहरू (भण्डारी, बोटेलर र ज्याक्सन) ले साझा छात्रवृत्ति कोष सञ्चालन गर्नुहुन्छ। आवेदन स्वीकार गर्न र निर्णय गर्न पनि एउटै प्रणाली प्रयोग हुन्छ । तपाईंले यो फारम एकपटक, एक ठाउँमा पेश गरेपछि तीनवटै कार्यालयले समीक्षा गर्न सक्छन् । त्यसैले तीन ठाउँमा आवेदन दिन आवश्यक छैन।
ध्यान दिनुपर्ने थप कुराहरू:
विधायिकी छात्रवृत्तिहरू गैर-नवीकरणीय छन्, यसको मतलब तपाईंले प्रत्येक वर्ष पुन: आवेदन गर्नुपर्छ। फाफ्साका लागि फाइल गर्न प्रोत्साहित गरिए पनि त्यो त्यति आवश्यक छैन । यदि तपाईं फाफ्साका लागि आवेदन दिनुहुन्न भने छात्रवृत्ति पुरस्कार प्रक्रियाको लागि मेरिल्याण्ड उच्च शिक्षा आयोग (MHEC) मा एउटा एकाउन्ट खोल्नुपर्छ।
थप विवरणका लागि <A Href="Https://Mhec.Maryland.Gov/Preparing/Pages/Financialaid/Osfamdcapslive.Aspx">यहाँ क्लिक गर्न सक्नुहुन्छ</A>
तपाईंसँग छात्रवृतिका बारेमा कुनै पनि जिज्ञासा वा प्रश्न भएमा निम्न इमेलहरूमा सम्पर्क गर्न सक्नुहुनेछ :
Harry.Bhandari@house.state.md.us, Joseph.Boteler@house.state.md.us, Carl.Jackson@house. state.md.us
हामी तपाईका जिज्ञासा र प्रश्नहरूको सम्बोधन गर्ने नै छौं ।
छात्रवृति र उच्च शिक्षाका लागि अग्रिम शुभकामना ।
प्रश्न</Strong><Strong>, </Strong><Strong>टिप्पणी वा सरोकारहरू :
तपाईंसँग कुनै प्रश्न, टिप्पणी वा सरोकारहरू छन् भने, कृपया मलाई harry.bhandari@house.state.md.us मा सम्पर्क गर्नु होला । अमेरिकी प्रजातन्त्रको मूलमन्त्र नै जनताका लागि, जनताद्वारा, जनताको हो । त्यसैले म तपाईहरूलाई सुन्न र सम्बोधन गर्न पाउँदा सधैं खुशी हुनेछु ।
